يا كيف ابنسى ؟!!
روّحت عنّي يالغضي قصدك انساك..؟!..
...لا لا ورب البيــت مــاني بناســيك
لين الممــــات اوعدك باعيش ذكراك...
... وتــروح روحــي بــس ما راح طاريك
يا كيف بنسى فرحــــتي يوم لقياك !!..
...جيــتك وانا قلــبي بشــوقه يناديك
اتخيل اعـــيونك وبســمة ثناياك...
...وتســـبقني اشـــواقي بلهفه وتاتيك
ويا كيف بنــسى ضحكنا والحكي ذاك...
...و ازعل عليك اشـــوي وارجع اراضيك..
وتزعل علي واقول يا زين وش ياك..
...ثم اعتــــذر واقول بالــروح بفديك
ويا كيف بنــــسى دمعتك يوم فاجاك...
...ذاك الخــبر وانا دمــوعي تواسيك..
وعايشت انا حــزنك وعايشت بلواك...
...وعين/ن بكت حـــزنك وعين/ن تباكيك
ويا كيف بنـــــسى يوم حققت منواك...
...وبشــــرتني ثم جـــاك قلبي يهنّيك..
وكتـــــــبت لجلك نبض قلبي وهنّاك..
...في فرحــــــتك لحــــروف كنها تغنّيك
ويا كيف بنــــسى وقفتك جنب مضناك..
...في ضيـــق دنيايه بجــــنبي الاقيك
واسمـــع خفوقك كنّه يقول ماباك..
...ماباك تضــــعف والعواذل حواليك..
عهد/ن علي منــساك منساك منساك...
...وتروح روحـــــــــي بس ما راح طاريك..
مــنقول
