للشاعر الامير: خالد الفيصل
يا صاح انا قلبي من الحـب مجـروح..جـرح عطيـب مالقـى لـه مـداوي
لـو ينشـرى قربـه شرينـاه بالـروح....مير البـلا شوفـه غـدا بـه هقـاوي
اهـل دمـع فـوق الاوجـان مسفـوح ..علـى الـذي ماهـوب للغـدر نـاوي
انا ادري انـه مثلـي اليـوم مطـروح ...لا شـك مايقـوى ولانــي بـقـاوي
لولاي اداري سـر الاحبـاب لابـوح .. وابيـع بيـعـات الهبـيـل الـفـداوي
لكني اجحد فيـه عـن كـل مفضـوح ...خوف عليه مـن الحكـي والدعـاوي
حسبي على اللي حط في الدرب ساموح ....العـاذل اللـي جـر كـل الـبـلاوي
مـن اول بـاب المواصيـل مفـتـوح ..يـوم ان عـذل الـمـوده خــلاوي
واليوم سد البـاب لـوح علـى لـوح ..وامسيت انـا ياصـاح قلبـي شكـاوي