ياجميلة بالغلا شعري شهد
بعترف لك يا هوى القلب ومناه
استمع يا زين ما غيرك احد
ساكن في وسط قلبي يا غلاه
ما ابي غيرك ولك مني وعد
تبقى محبوبي على طول الحياة
اعشقك واهواك واحبك بعد
والغلا لك يا ضيا الكون وسناه
واسمعي وصفك ولا ابغي احد
يعرف اوصافك واتبلش معاه
يعجبه وصفك يا احلى من الشهد
واتنرفز ويمكن اتهاوش معاه
ببتدي بوصفك حبيبي يا بعد
كل بنات الكون يا احلى فتاه
يا فديت الطول والرزه بعد
ويا فديته جيم خلي يا بهاه
يسحر اسلوبك ولا مثلك احد
كملك رب تعالى في سماه
والاكيد ان الغنج معك انولد
والانوثه الطاغية انولدت معاه
انتي احلى بنت في هذا البلد
يا عيون الحر يا ظبي الفلاه
ناعمة بالحيل ودلوعه بعد
وتملكين احساس راقي ياحلاه
وضحكتك ازين واحلى من الشهد
يا حلا الضحكات من ذيك الشفاة
والشفايف جمر واسنانك برد
وريقك احلى من العسل زايد حلاه
صدق ما ذقته لكن اعتقد
من حلا المنطق اهو ياخذ حلاه
