ياطيــورالشوق وين الزين ولى
فاقــده والشـــوق سوابي سوايا
خبرينـــي صاحبـــي مرتـاح والا
من طعون الوقت في قلبه رزايا
ادري انه مــا يخــون العهـد كلا
الوفاء مجبول في عذب السجايا
شفّي بشوفتـك يا الرمش المظـلا
قبل لا نـآرد على حوض المنايا
في غرامك وش يقال ووش يخلا
ذي روايه غـير عن كل الروايا
لك حنــايا الروح بلدان ومـحـلا
يا مسـافـر في قطـارات الحنايا
ارتحـل في غيهب الروح وتجلا
مثل بدر ٍ شـــع نوره في سمايا
شفت قلبي يــوم رحب بك وهلا
باقي ليومك وهــو يعطي تحايا
والعيون اللي بهـا قـــدرك تعلا
ما ترى بك ذنب لو كلك خطايا
لعبدالله الشغيبي
.
