يطل الصبح .. واتريق غيابك
يطول الليل / وانا عند بابك..!
انا تايه .. وادورني .. ولا ادري
اللاقيني على لهفة .. عتابك..!
اللملم .. ما بقى من هـ الاماني
وذكرى "قلب" تاه .. ولا هدا بك
اللاقيني على [ وجه المسافر ]
على بابك على.. باقي شبابك!
افكر بي ولا ادري غير اني...
"فقير" وحظه الممقوت جابك!!
وتدري وش بقى من قل حاله؟!
حروفك ضحكتك دمعك مصابك
شبابيكك .. [سواليف امنياتك]
اموت وحلمي الميت/ حيا بك..!
وتعرف .. وش بعد ودك تعرفه؟
وقلبي كلما ينبض [حكى بك]
وتدري .. كل نبضه في عروقي
تسآئلني تُرى منهو سرى بك؟
ولا زالت على حلمك .. ولو هو
محال يصير يعني/ يا سرابك
ابقفي .. كل مافيني حساااافه
وهذا الجرح .. اسأل عنه نابك!
انا .. خايف يدور العمر وارحل
وتلقاني .. ذنوبٍ في حسابك!!
اخيراً ما بقى فيني سوى شي
لك اكثر من شهر حضرة جنابك
امر " الحي " .. مالك اي طاري
رحلت ونبضي الصامت زهابك!
واصيح بصوتي المبحوح:وينك؟
"خلاص" .. وكل مافيني يهابك!
غيابك[صعب] بس الموت [حسك]
ولا ادري اي دربٍ .. قد غدى بك!
شبابيكك .. [ سواليف امنياتك ]
كأنها لحقت بطاري .. غيابك..!!
لي اكثر من "شهر" امر بيتك...
وش اللي مطفيٍ ليتات بابك..؟!
لـ عبدالرحمٰن آل مِغْني
