صاحبي يا صاحبي

يـا صاحبـي ياللـي كسـاه الزمـن تـاج

لـكـن مـــدري وش مـعـكـر مـزاجــه

يـا صاحبـي مــا جـيـت هـايـم ودوَّاج

ماني مضـرِّي خطوتـي (ع)الدواجـة

وياصاحبـي مـا جيـت للعـون محتـاج

لا والله إلا جـيــت قــضــاي حــاجــة

خيلي سبوق وخذت له سوط واِسراج

عـسـفـه يجمـلّْـنـي بـوقــت الـمـواجـه

ولا سببوا لي كثرة أصاحبـي ازعـاج

يـالـلـي فـعـولـه بـيـنــت بـانـزعـاجـه

كـلٍ سـعـى للمغـفـرة حــجّْ يــا حــاج

وكـلٍ عـلـى مــا قـيـل ســدَّه خـراجـه

وبنّْ اليمـن مـن غيـر حمـسٍ وحـوَّاج

مــا يسـتـوي شـربــهْ بـلـيَّـا حـواجــة

إن تعتبـر صـدَّك يسبـب لنـا احــراج

عـفــواً فــهــذي نعـتـبـرهـا ســذاجــة

درب مشيـتـه يـابـن لـجــواد مـنـعـاج

نصيـحـتـي جـنِّــب دروب الـعـواجـة

دور لهـا يـا خـوك صرفـة ومخـراج

الضـيـق مــا بـعـده يـكـون اِنـفـراجـه

خلـك لنـا عـزوة علـى خـيـر منـهـاج

وخـلـك لـنــا نـــورٍ يـقــدِّي سـراجــه

وخلك بحر مـن يمنـع البحـر لا مـاج

وخـلـك مـثـل قـصـرٍ منـيـعٍ سـيـاجـه

الغطـرسـة ماعمـرهـا اتشـيـد ابــراج

وراعـي التواضـع يرفـع الله دراجــه

لا صـار مـا بـه عندكـم فلـة اِحـجـاج

مـالـي ومــال الـلـي يكـشِّـر حجـاجـه

والــوادي الـلـي مــا تغطـيـه لـبــراج

حمـلـي لجـوالـي بــه أكـبـر سـمـاجـة