يالحاضر الغايب

[size=21]يالحاضر الغايب .. علـىَ درب الاطـلال
زآرت طيوفـك درب، عابـر سبيِـلـه

ياصاحبـي .. منكـم، وفينـي، ولااا زال
الـهـمّ بــارق، والمحـانـي مخيـلـه

اسطتْ رماحـك راكـزه كنّهـا جبـال
وادمـتْ خفـوقً شاكـي البعـدْ ويلـه

وأرَبتْ علىَ كتفي .. مع الـدرب رحـال
وامشـي علـى جـال الهمـوم الثقيلـه

ياغايتـي، والعهـد سـايـر، ومـنـوال
علىَ الوفـاا .. نبـض المشاعـر صميلـه

مابين شِمتة عاذل .. و .. كـذب محتـال
سلّـم الفـراق، لهاجـسـي مرتكيـلـه

النفس ضاقت بي علـى القيـل: والقـال:
و كيف .. الحزن مُثقل علىَ .. كمّ .. شيله

تعبَت يدينَ العشـق .. تكبيّـل الأغـلال
وتِعبت اهوجس فيك .. وش تنتهي له ..؟

باقي على عهدك، وباقـي علـىَ الحـال
تعال افيـض شعـر مـن غـبّ سيلـه

تعال وأشرب لك مـن القلـب ، فنجـال
العشـق كيفـه .. وانـت بنّـه، وهيلـه

اقِهـر مسافـات الهجـر وأنـت تختـال
وأروي ضُمىَ هالعشـق مـن سلسبيلـه

ولااا صَااااار ..؟

ولااا صار درب العشق أشواك، ومحـال..؟
وصارت حبال الشـوق معنـا بخيلـه..!!

أحلىَ الأماني .. أصدقت فيهـا الأمثـال
من قال "قلب المهتـوي هـو دليلـه" ..؟

ماعاد يعني لـي هـوىَ الكبـت مدهـال
ارقىَ علـى احزانـي .. وأجـرّ الطويلـه

تبّت يدين العشـق فـي كـل الأحـوال
دام المعنّـى ضـاع .. وأنهـدّ حَيـلـه

ياهاجري .. يقصر لك العمـر، أو طـال
فضل القمر .. يرجع علىَ .. عتم .. ليلـه [/size]

غروب

نور

» الهوى الغايب