البارحه ياحسين مركاي كوعي

البارحه ياحسين مركاي كوعي
من العشا الين اذن الفجر يا حسين
ما غير اسلي خاطري بالدموعي
مثل الذي من يقضي الدين بالدين
وكل السبب طيري حسين الطبوعي
النادر اللي شوفته تطرب العين
اللي ليا مني نهمته فزوعي
مثل الشجاع الي نهموه القريبين
قمت اتذكر تلته لطلوعي
بخدن قنصنا فيه حروة اسبوعين
مدري ثمان ايام معهن اسبوعي
لا شك كنهن يا ابن الاجواد يومين
وفي تالي المقناص يوم الربوعي
اتلى العهد به راح يلوي الجناحين
اقفى وراء خرب ٍ مصقر جزوعي
متذير ٍ واردفت من عقبه طيرين
وسقنا معاهن وسط خد منوعي
اقف ٍ شمال ومبعدات عن العين
الخرب صامل والنداوي قطوعي
وحال الوعر من دونهم والشعيبين
وقفت ادربل مير مامن سنوعي
وقالوا جهاز الطير ما نسمعه زين
واجهدت رجلي بكل رجم ٍ رفوعي
ارقى والوح وادبل الصوت صوتين
وما قصرو وقت المنافع ربوعي
واخذت في جو القطامي نهارين
لاشك طيري ما نوى للرجوعي
وانا بعد حدرت يم البلادين
ما كان ودي ان المفارق فجوعي
ليته موادعني سوات المحبين
الله يلوم الطير بعده يلوعي
خلاني اسهر والمخاليق ممسين
عساه يسلم من يدين الطموعي
اللي عن النشاد يخفي البراهين
والا الرجال الي تعرف السنوعي
تلقى على حجله مع السبق رقمين
والا عساه ابناريات التلوعي
ورزقه على الي خالق الناس من طين
ومما جرى يا حسين قلبي قنوعي
لو كان عقبه خاطري صاير ٍ شين