مـــحــــمـــــد الـــعـــواضـــي:
لاضاقت الدنيا ومال الزمن فيك
وامسيت متضايق ومشغول بالك
وكثرت هواجيسك ونومك مجافيك
والوقت شين وكل هم طرالك
الجى لحلال العقد والشرابيك
اخلص له الاعمال ويزين حالك
اخلص له النيه يعينك ويهديك
واسجد بتالي الليل لح بسؤالك
وصوم وتصدق وادع ربك يعافيك
واحرص على فرضك وقوم عيالك
وان كان تبغى الله يعزك ويغنيك
ويبارك بعمرك ووقتك ومالك
عليك باللي دايم الدوم ترجيك
عليك برضاها لها ارخص حلالك
امك ثم امك ثم امك ثم ابيك
وصية الشافع بيوم المهالك
والجار لاتشناه لو هو يشانيك
ادمح له الزلات لو ما صفالك
ولا تلقي المحتاج لاجا علابيك
لاتنهره او تحقره لاعنالك
واسعى بدرب الخير كثف مساعيك
ابذل قصار الجهد ياحي فالك
وخلك بشوش بوجه ضيفك وعانيك
وللكل خلك مبتسم في قبالك
واحذر لراع النم ترخي اذانيك
يعذربك لاقفيت وان جا حكالك
ودور جليس صالح لك يخاويك
تلقاه في وقت الشدايد قبالك
اللي يعينك فاللوازم ويشفيك
ريف الخوي اليا ادلهمت ليالك
ان غبت ينشدعنك وانجا يسليك
شفه دروب الخير ويحبهالك
هذي نصايح واطلب الله يجازيك
يرزقك بالجنه عساها جزالك
خذها ولا تندم نصيحه من اخيك
نصايحن جزله وقد متهالك
