قصيدتة في رثاء والده لاسير الشوق
فاقدك ..
فاقدك ماقولها شعر وحروف ..
ياإول إحبابي وآخرهم سوى ..
فاقدك والآه في قلبي تلوف ..
والإلم ماللألم عقبك دوى ..
فاقدك ياسيف تثيه السيوف ..
فاقدك والحال في غيابك جوى ..
فاقدك ليتك تشوف اللي نشوف ..
ضاقت الدنيا وضاق المحتوى ..
النسايم صارت غبار وعصوف ..
والسرور الي علا نجمه هوى ..
وكل درب أكتسى حزن وخوف ..
وكل ورد مال من وجد وذوى ..
وين بسمات المعزب والضيوف ..
والزمان الي من الطيب ارتوى ..
ياحبيبي آه ياصعب الظروف ..
وياقسى قلب الليالي والنوى ..
افترقنا والتقت فينا الطيوف ..
وكل ماجيت احظنه طيفك لوى ..
يعتصرني الهم ويطول الوقوف ..
ليت همي من غرام ومن هوى ..
يذكرونك واتوجع والكفوف ..
ترتفع للي على العرش استوى ..
ياآلهي ترحم الوجه العطوف ..
والحبيب الي ملأ الكون وضوى ..
