جرح الوداع بالقلب ماله مداوي...
مالوم قلبي يوم همه يغمه
ماعاد يتحمل فراق وبلاوي...
جرحه عميق ولا وقف نزف دمه
يلويه من بين المعاليق لاوي....
لامن ذكر واحداث ماضيه قمه
ودع وفارقني وناكنت ناوي....
اعيشه عيشة ملك بين الامه
وجدي عليه وجد اليتيم الخلاوي...
يوم.ن.توفى ابوه ثم ماتت امه
واصبح كسيف الحال يبات طاوي...
والناس ماترحم ولا فيه ذمه
همه إﻻ جا الليل يجيه ضاوي....
ويسري لقبر ابوه وامه يضمه
ولاجا الصباح يحتار منه يخاوي...
ماحد.ن.يبيه لو هو من عيال عمه
يعيش خوف وجوع ولاله رجاوي...
جداه مسح الدمع باطراف كمه
وجدي مثل وجده وعنى الهم كاوي...
وهمي امطابق في تواصيف همه
ولاني على نطح المقادير قاوي...
اصبر لون الحظ يسقين الفهد سمه