كلمات | الشاعر محمد عاطف |
ألحان | الملحن مدين |
توزيع موسيقي | الموزع احمد ابراهيم |
حبه جنة انا عيشت فيها * قربه فرحة حلمت بيها
دة اللي بيه احلو عمري * دة اللي انا هديله عمري
ياما ليالي بستنى لقاه
مهما قولتله و اتحكاله * مستحيل اوصف جماله
رقة الدنيا ف عيونه * قلبي كان الله ف عونه
م اللي انا حسيته معاه
كل يوم * القى روحي بتنده ليه
على العموم * مش هخبي و اداري عليه
انه غيرني و سرقني و ان انا اتعلقت بيه
اللي فات * من حياتي ضايع قبليه
فيه حاجات * حلوة حصلتلي على ايديه
كل لحظة تزيد غلاوتة و ناوي يعمل تاني ايه
لما اغمض قلبي شايفه * اسمي غنوة ما بين شفايفه
صوته اجمل صوت نداني * ابتسامته مطمناني
يوماتي بالي عليه مشغول
بالامانة و بصراحة * كنت عمري ما هلقى راحة
لولا بالصدفة لقيته * اللي بالغالي اشتريته
منايا اعيش وياه علطول
كل يوم * القى روحي بتنده ليه
على العموم * مش هخبي و اداري عليه
انه غيرني و سرقني و ان انا اتعلقت بيه
اللي فات * من حياتي ضايع قبليه
فيه حاجات * حلوة حصلتلي على ايديه
كل لحظة تزيد غلاوتة و ناوي يعمل تاني ايه