يقول الدكتور مصطفي محمود رحمه الله:
كان فيه رجل بيبيع جرايد جنب حديقة الحيونات بالجيزة
كنت أعدى عليه كل يوم بعد توصيل زوجتى للعمل اقف معاه شوية وبعدين أشترى منه الأهرام علشان أتعلم أسلوب الكتابة لكن علمني حاجة أهم من ذلك
هذا الرجل علمني درسا مهما جدا للعمر.
لما كنت أسأله ازيك انهاردة يقولي "في نعمة الستر".
فاندهشت من الإجابة وسألته ليه الستر تحديدا؟
قالي لأني مستور من كله.
ستر إيه يا حج ده إنت البلوڤر بتاعك فيه رقعتين مختلفين اللون
فلما أحس بغبائي فبادر بالشرح.
قال الستر ده أنواع:-
لما تكون مريض بس قادر تمشي علي رجلك ده ستر من مذلة المرض.!
لما جيبك يكون فيه جنيه يكفيك تنام متعشي حتي لو عيش حاف ده ستر من مذلة الجوع .!
لما تكون تملك ملابس تحميك من البرد حتى لو مرقعة ده ستر من مذلة البرد.!
لما تكون قادر تضحك وأنت حزين لأي سبب ده ستر من مذلة الكسرة.!
لما تكون قادر تقرأ الجريدة اللي في ايدك ده ستر من مذلة الجهل.!
- لما تقدر تتصل فى أى وقت بأهلك تطمنهم عليك وتطمن عليهم ده ستر من مذلة الوحدة.!
- لما تكون عندك أي وظيفة حتي لو بياع جرايد زى حالاتي بس مش بتمد ايدك لحد ده ستر من مذلة السؤال.!
- لما يكون ابنك ربنا مبارك في صحته وتعليمه وبيته ده ستر من مذلة القهر.
- لما يكون عندك 《 زوجة بنت حلال وشايلة الهم معاك ده ستر من مذلة كسرة الرجل قدام مراته...!!! 》.
الستر يا ابنى مش ستر فلوس الستر ستر نفوس
تذكر أنك تملك نعما يتمناها ملايين البشر إنها نعمة الستر.
جعلنا الله وإياكم من المستورين بستره الجميل
اللهم أدم علينا سترك دنيا وآخرة
اللهم استرنا بسترك الجميل في الدنيا والآخرة