لا تغيب عن عيني وتروح دام أنا مغلّيك بالله راعني وارفق بقلب غدا كلّه جروح سهم حبّك بالضّمائر صابني يا بعد روحي ترى ماني شحوح خذ عيوني كان قلبك طاعني بس عطني كلمة فيها وضوح وكان أنا غلطان بالصّد جازني عيني لشوفك بها شوق لحوح كلّ ما سجيت طيفك زارني أنت لك بالقلب يالغالي صروح ما تغيّر لو ضميرك باعني بس لا تقسى عليّ يوم وتروح وأنت خابر كيف بُعدك تاعبني والعذر مقبول ولك منّي شكر وكرّر الغلطة معاي وخلني أنتظر عذرك بكلّ فارغ الصّبر جيبني ثمّ ودّيني ثمّ جيبني من حدود الشّمس لحدود القمر وين ما تبغى فديتك ودّيني خادمك يا سيدي تحت الأمر هدّ حيلي بالغرام وهدّني والله إنّي ناذر لحبّك نذر تِكفى بعثرني شظايا ولمّني في كفوفك يا بعد كلّ البشر وراح أسويّ كنّي دخت وضمني ورح أقولّك أمزح وأحبك واعتذر
