المقادير
ربع كيلو مكرونة صغيرة
ربع كيلو مكرونة اسباجيتي
ربع كيلو عدس بجبه
نص كيلو ارز مصري
كوبايه ونص شعرية
ربع كيلو حمص الشام
4 بصله كبيره
كيلو طماطم
التحضير
1-تغسلى الارز كويس
2- العدس يتنقى ويتشطف
3- تقشرى التوم وتفرميه
4- تنقعى الحمص شويه
الطريقه
1- اسلقى نوعين المكرونه مع بعض
2- اسلقى العدس من غير ما تحطى ملح وبعدين صفيه من الميه
3- اعملى بقى الرز بالشعريه بالطريقه العاديه اللى هى تحمرى الشعريه
وبعدين نحطى عليها الرز وتقلبيه معاها شويه علشان يبقى مفلفل وبعدين تحطى ميه تغطى الرز
وتسيبيه على نار هاديه لغايه ما يستوى
4- قطعى البصل حلقات مدوره وفكيها من بعض وحمريها في زيت غزير
لغايه ما لونه يبقى قريب من البني وبعدين صفيه من الزيت كويس عشان يتقرمش.
5- اسلقى الحمص من غير ملح
6- اعملى بقى الصلصه تجيبى التوم المفروم وتحمريه فى زيت سخن
وبعدين تطشى عليه الصلصه اللى هى الطماطم بعد ما ضربتيها فى الخلاط وصفتيها
و تحطى عليها الملح والتوابل حسب الرغبه وتسيبيها لحد ما تتسبك يعنى تتقل
والحمد لله كده كل حاجه خلصت
نيجى بقى للتقديم هتجيبى طبق التقديم
وترصى الكشرى كده
الاول هتحطى الرز بالشعريه وبعدين فوقيهم المكرونه
وبعدين فوقيهم العدس وبعدين حطى الصلصه وعليها التقليه
اللى هى البصل اللى حمرناه وبعدين الحمص على الوش
ونسيت اقولكم على الدقه اصلى بموت فيها ومعرفش اكل الكشرى من غير الدقه والشطه بصوا الدقه
هتجيبى توم مفروم
وكمون
وملح
وشعره شطه صغيره
وخل 3 معالق
وتحطى كل دول على كوبايه ميه كبيره بتغلى على النار وياخده دقيقتين على النار
وهتدوقى دقه زى بتاعه المحلات واحلى كمان
والشطه هتخلطى شطه بودره بشويه صلصه لحد ما تبقى مشطشطه وبس كده
